January: Stress Month

dati ang dami kong energy. ilang buwan pa lang naman ang nakakalipas. tatlo pa trabaho ko. isang full time. dalawang part-time. san ka pa?! after a few months pinakawalan ko na yung isang part-time. ngayon gusto ko na din pakawalan yung isa pang part-time. nakakaubos ng energy! sinabi ko dun sa boss ko sa isang part-time last week na kailangan ko ng decrease sa hours ko. eh since middle of school year, hindi nya ko pinagbigyan. bibigyan na lang daw nya ko ng raise. sabi ko fine. eh ngayon sa isip-isip ko, mukhang di na talaga kaya ng utak ko at katawan ko ang work load. hayy. kailangan ko na ulit ng bakasyon. kaloka. ngayon magkakasakit na naman ako. puro sopas at gamot na nga lang laman ng tyan ko eh. naghahawahan lang kami ng mga estudyante ko ng sakit. sharing is caring, ika nga. tapos sobrang lamig pa lately. nakakatamad lang kumilos. 

anyway, factor din yata ang stress sa sakit ko. di lang ako sa mga estudyante ko nai-istress, pati dito sa bahay and daming stressful moments. aysus! yung nanay ko kasi nasa pinas ngayon. hanggang next month pa sya. umalis sya nung late October. so etong tatay ko ngayon solo flight for three months. eh sa sobrang dependent nya sa nanay ko pagdating sa paghahandle ng finances, nawiwindang sya gawin mag-isa. so ako ngayon ang kinukulit ng nanay ko na ayusin ung mga maling pagba-budget ng tatay ko. eh sobrang matigas ang ulo ng tatay ko. eh ako pa naman hindi sumasagot sa mga magulang ko (minsan lang. lol.), kaya pag nakukulitan na 'kong kausapin hinahayaan ko na lang ulit ang nanay kong makipag-usap sa kanya. nadadagdagan tuloy masyado mga puting buhok ko. naman!

Random #3

bangag lang sa unang araw sa trabaho pagkatapos ng dalawang linggong bakasyon. yung mga bata bangag din. siguro pare-pareho kaming hindi nakatulog kagabi. literal na 30 minutes lang yata ang tulog ko--from 5:30am-6:00am. active much lang ang utak ko. ganon. tapos ngayon mag-aalas-dose na ng gabi hindi pa rin ako inaantok much kahit walang tulog. insomnia lang ang trip. hirap bumalik ulit sa flow pagkatapos ng bakasyon. sobrang pagod na pagod ako buong araw sa trabaho kanina. buti na lang hindi masyadong pasaway mga estudyante ko kaninang umaga. nag behave ng slight. kakaibang aura.

hindi ako nakapagsimba nung linggo. hindi kasi ako makakilos sa kama ko sa sobrang lamig nung umaga. pero nung sabado dumaan ako sa simbahan. ang simbahan dito (pansin ko lang ah), pag walang misa, wala talagang tao.. well, siguro mga 2 o 3. i'm saying that from experience. pag pumapasok kasi ako sa church tapos walang misa..laging 2 o 3 lang kaming andun. anyway, hindi naman ako masyadong religious na tao pero minsan pag kailangan ko ng katahimikan sa buhay, pupunta ako sa church. dun ako tumatambay. solo flight. uupo lang. titingin tingin sa paligid. maya maya magdadasal na. madalas nga hindi ko alam kung pano kausapin si God eh. hindi ko alam kung matino ang pagpapasalamat ko at paghingi ko ng tawad. feeling ko paulit-ulit lagi ung sinasabi ko. madalas iniisip ko baka isipin ni God na hindi ako seryoso pag kinakausap ko sya. ewan. yung iba kasi diba talagang taimtim magdasal.. mas pinapakinggan ba ni God pag ganun? curious lang..

this is my chance.. dinadapuan na ko ng antok. gusto ko pa sana mag post ng ibang ka-randoman, pero kelangan i-take advantage ko na 'toh para bumalik na yung normal sleeping pattern ko.

2013 Happy New Year

last year sinarado ko ang blog kong My Orange Vest, na naisagawa noong taong 2009 alala nyo un? hindi na siguro. binura na ng nakaraan.. tagal din pala nun. anyway, bakit ko nga ba sinarado un? hindi ko rin alam eh. siguro pakiramdam ko lang nung mga panahon na yun eh kelangan ko lang talaga ng pagbabago.. o siguro naman sobrang bored lang ako nun. ewan.

pero pagkatapos kong isarado yun.. nagbukas ako ng panibago at etong blog na 'to ang naging resulta. gusto ko sya.. simple. hindi magulo. chill lang. sadyang mabilis lang talaga tumakbo ang panahon. parang may karera lagi sa sobrang bilis. 1st birthday ng blog na 'to, kaya Happy Birthday! dahil sakin ka nanggaling, ako syempre dapat ang unang babati sa'yo. sana tumagal pa 'to ng maraming maraming taon. as in marami. sana din madagdagan ang followers nito. sa ngayon dalawa pa lang sila.. tatlo kasi naawa ako sa blog ko kaya nag-follow na din ako (hindi krimen sundan ang sariling blog) haha. dati kasi sa My Orange Vest meron din akong follow chu-chu. di ko alam bakit hindi ko nilagyan 'tong blog na 'to nung ginawa ko last year. engot lang. anyway, tatatlo nga lang kasi kakalagay ko lang ulit a few days ago. todo explanation ako, bakit ba?


Highlights of my 2012:

  • passed all the required tests for my teaching credential
  • received my teaching license (chaching!!)
  • got a new teaching job - now currently teaching a 4th grade class..and i'm also the teacher in the computer lab for now (boss status!!) 
  • met new incredible people
  • survived another 365 days

super cool lang mga highlights ng 2012 ko, pero hindi ibig sabihin na hindi ako dumaan sa mga matinding pagsubok.. roller coaster ride ang 2012 para sakin--both physically and emotionally. physically kasi lagi akong nahahawa sa sipon ng mga estudyante ko. ngayon medyo immuned na. emotionally kasi marami din nangyaring hindi kanais nais sa buhay ko. ganunpaman, i'm 365 days older and 365 days wiser. 

Goals and Objectives
  • stay positive, as difficult as it may be
  • keep spreading more love
  • heal wounds (naks may ganitong effect? arte.)

nag back-read ako ng mga January 1st posts ko dun sa My Orange Vest. komedi lang ang dating. dami ko rin palang bitter posts nung mga nakaraang taon. kaartehan. ganon. 

ang dami kong sinabi, eto lang naman talaga gusto kong iparating..

in the name of chikletz, i declare everyone to have a fantastic 2013!!!